Kōrero: Te auahatanga o te whenua

Te awa o Whanganui

Te awa o Whanganui

Ko tētahi kōrero e mea ana, ko ngā awa ngā waiū o te kuia nei a Papatūānuku. Heoi, kei tēnā iwi āna ake kōrero, kei tēnā iwi āna ake kōrero mō ō rātou awa. E kī ana ngā iwi o te awa o Whanganui, i pupū tō rātou awa i ngā maunga i te puku o Te Ika-a-Māui. Arā tērā kōrero e mea ana, i te noho mokemoke a Ruapehu. Nāwai, ka aroha atu a Ranginui. I tana aroha, e rua ōna roimata ka taka ki te take o Ruapehu; ko tētahi o ēnei roi, ko te awa o Whanganui. Hāunga tērā, ka mokemoke tonu a Ruapehu. Waihoki, ka tono e Ranginui ngā maunga e whā hei hoa mōna: a Tongariro (ka tiaki i ngā roimata), a Ngāuruhoe, a Taranaki, a Pīhanga, te maunga pūrotu. Ka tāmaua a Pīhanga hei wahine mā Tongariro, heoi nā Taranaki a Pīhanga i whakawai. Ka kī atu a Ruapehu kia whakawātea a Taranaki. Ka whai a Taranaki i te awa o Whanganui kia puta ki a Tangaroa, kātahi ka huri ia ka haere ki te uru. Kei reira tonu ia i tēnei wā, e mate kanehe ana ki a Pīhanga.

Te whakamahi i tēnei tūemi

GNS Science
Reference: CN37119/15
Photograph by Lloyd Homer

Permission of GNS Science must be obtained before any use of this image.

Ngā whakaahua me ngā rauemi katoa o tēnei kōrero

Te tuhi tohutoro mō tēnei whārangi:

Te Ahukaramū Charles Royal, 'Te auahatanga o te whenua - He whenua whakamīharo', Te Ara - the Encyclopedia of New Zealand, http://www.TeAra.govt.nz/mi/photograph/6718/te-awa-o-whanganui (accessed 29 March 2024)

He kōrero nā Te Ahukaramū Charles Royal, i tāngia i te 12 Jun 2006