He korero whakarapopoto
Kupu whakataki
He whakamīharo ngā kōrero me te hītori o ngā toi ana Māori o Aotearoa. Nō muri mai ka urutau ngā toi ana o tēnā rohe o tēnā rohe.
Ko te nuinga o ngā tānga he mea peita, he mea tā rānei. Ko ētahi ka whakairo, ka hahae, ka wakuwaku hoki i te kōhatu.
E 90 ōrau o ngā toi ana o Aotearoa kei Te Waipounamu. Heoi e takoto huna tonu ana ētahi o ngā ana koiwi ki Te Ika-a-Māui me Te Waipounamu.
Ngā hoahoa
Ka whakaatu ngā toi ana i te tangata, i te manu, i te kurī me te waka. Ko ētahi atu tānga, e ai ki te whakaaro, he taniwha, he tipua rānei.
He tino tata ngā toi ana ki te toi tā moko, whakairo, kōwhaiwhai hoki.
Ngā tae
He rahi ngā putunga rino ōkai, he mea tiki atu hei whakahanumi ki te kōkōwai. Hei mahi i te tae pango, ka whakahanumitia te ahowhare ki te hinu. Ko te kōwhai, te mā me te kikorangi he mea whakaputa mai i te uku, me ētahi anō manawa whenua. Kua kitea he toi ana kikorangi, e ai ki ngā kōrero, engari kāore anō kia tino tuhia ōna āhuatanga.
Te whakaaro o te Pākehā
He roa te wā e noho huna ana ngā toi ana. Kīhai i arotia ngā toi ana, ā, ka tūkinotia ētahi.
Heoi i te tau 1945 ka tīmata te tohungatā, a Theo Schoon, ki te hopu i ngā toi ana i Te Waipounamu. Mai i te tekau tau 1960 ka whakahaere te hunga whaipara i ngā rangahau toi ana Māori, ā, ka rāhuitia ngā wāhi nei.
I te rautau 2000 he taonga kāmehameha ngā toi ana Māori o Aotearoa.