Skip to main content

Kōrero: Tangihanga

Ko te tangihanga te tikanga a te Māori mō te tangi i ōna mate. Ka takoto te tūpāpaku ki runga i te marae, ā, ka tae ake te manuhiri kia whakamihi taurangi i a ia. Kei roto i ngā tangi ngā tikanga tuku iho, kāre anō kia rerekē ahakoa te whakaaweawe a te Pākehā.

Story by Rawinia Higgins
Te āhua nui: E mau pare kawakawa ana te pae mate i te tangihanga mō Tā Robert Mahuta.

Story Summary

Ngā whakaahua

Ko te tangihanga te tikanga whakahaere a te Māori mō te tangi i ngā mate. I roto i te wā, kāre e nui ngā rerekētanga. Ka whakarite te tohunga tūpāpaku i te tūpāpaku i mua i te kawea o te tūpāpaku ki te marae. Ka pōwhiritia ngā manuhiri, ā, ka whakawhitiwhiti ngā whaikōrero. Whai muri i te tanumanga o te tūpāpaku ki te urupā, ka takahi te minita, te tohunga rānei i te whare kia whakawāteangia ngā tapu o te mate. He wā ka kawea ngā whakaahua o te tangata mate ki marae kē, kia pai te tangi o ērā hunga kīhai i tae ake ki te tangihanga.

Hine-nui-te-pō

Ko Hine-nui-te-pō te atua o te mate; i whakamātau a Māui te ngōki mā roto i a ia hei patu i te mauri ō mate. Ka hinga ia, ā, e mate tonu nei te tangata.

Ko Aituā tonu tētahi whakatinanatanga o Mate.

Ngā tikanga tangihanga

Inā e tata mate ana te rangatira, kua tuku ia i tana ōhākī, arā he kōrero whakamutunga ki te iwi he nui hoki mō te āhua ki te whai utu.

Ka pania te tūpāpaku ki te kōkōwai me te hinu, ā, ka whakanōhia kia tau te kauae ki ngā pona. Kua tākaitia ki te whāriki me te korowai.

Ka whaikōrerotia te tūpāpaku me te mea nei e ora tonu ana.

Ko te tikanga kia matapopore tonu te whānau pani, kia kaua hoki e pā ki te kai. Ka mau te tangata i te pare kawakawa ki te māhunga.

Ka nehua te tūpāpaku, ā, nāwai rawa, ka tīkina mai. Kātahi ka warua ngā kōiwi, ā, ka tuhia ki te kōkōwai. He mea huna e ngā tohunga ngā kōiwi kia kore rawa e takahia.

Tangihanga i ēnei rā

I ēnei rā, kei roto kāwhena te tūpāpaku, e tīraha ai ki runga marae, ki roto wharenui, ki te poho ā-whare, ki roto whare mate anō rānei.

Kia tō te rā ka kai te whānau pani, kia hoki rā anō te manuhiri.

Ka manaakitia te tangata kia whakaputa i ōna aroha. He wā ka rīriri mō te take ki hea takoto ai te tūpāpaku. Ka noho tēnei hei whakanui i te mana o te tangata kua mate.

Me pēnei te tohu i te whārangi:

Rawinia Higgins, 'Tangihanga', Te Ara - the Encyclopedia of New Zealand, http://www.TeAra.govt.nz/mi/tangihanga (accessed 30 April 2017)

Story by Rawinia Higgins, published 5 May 2011