Kei te wharenui o Te Hono ki Hawaiki ki Te Papa Tongarewa ngā whakairo nei. Kei te whakaatu ngā whakairo i ngā hononga ki Hawaiki, te kāinga tūturu i heke mai ai ngā tāngata tuatahi ki Aotearoa. Ko Māui me ōna tuākana ērā e here ana i te rā kia āta haere ai ia. I ngā wā o mua, he tere rawa te rere o te rā i te rangi, kāore ngā tāngata i whai wā ki te whakatutuki i ngā mahi a te iwi. Ka whakahaua e Māui ōna tuākana kia whiria he taura hei hopu i te rā i tōna marewatanga. Kīhai te rā i aro atu ki ngā taura, whāia, ka hāua e Māui te rā ki te kauwae o tōna kuia a Murirangawhenua. Mai anō i tōna hingatanga i a Māui ka āta haere noa te rā i te rangi.