Kōrero: Hapori
Whārangi 10 – Hononga, rauemi nō waho
Ētahi atu tūhononga, pae tukutuku hoki
-
Communitynet Aotearoa
He kaiwhakarite a Communitynet Aotearoa i ngā hapori o te motu. He whakamārama mō ana mahi. Neke atu i te 800 ana hononga ki ngā pae tukutuku o ngā hapori o te motu.
-
Te Kāhui Tika Tangata / Human Rights Commission
Nō te tau 1978 ka waihangahia te Kāhui Tikanga Tangata. Ko ana kaupapa ko te whakatairanga i te mana ōrite ki waenganui i te hapori, te ātete i ngā mahi aukati i te tangata i runga i tōna tuakiri; tōna iwi; ira tangata; mārena, takakau rānei; moe tāne, wahine rānei; tōna pakeke; mehemea he hauā; tāna e whakapono ai, rōpū tōrangapū. Kei konei ngā rauemi mātauranga katoa e pā ana ki ngā hītori, ngā pāhotanga, tētahi pānui, ngā hononga ki pae tukutuku kē.
-
Manatū Hauora / Ministry of Health
Ko te mahi a te Manatū Hauora he waihanga kaupapa here e pā ana ki ngā take hauora, he whakahaere i ngā ture me ngā pūtea hauora, he whakahaere hoki i ngā ratonga hauora ki te motu. Kei konei e whakaatuhia ana ngā pārongo mō te pou tarāwaho o te rāngai hauora o Aotearoa, ngā karere, ngā take o te rā, ngā tūmomo whakaputanga ā-rorohiko. Kei konei anō ngā pānui mō ngā take hauora, he rārangi whare pukapuka ā-rorohiko, he hononga hoki ki pae tukutuku kē.
-
Te Manatū Whakahiato Ora / Ministry of Social Development
Ko Te Manatū Whakahiato Ora te kaikawe i ngā kaupapa rangahau e pā ana ki te hapori. Ko ia anō te kaiwhakahaere i te Manatū Taiohi, te Tari Mō Ngā Take Hauātanga, te Tari Kaumātua, te Tari mō te Hapori me te Wāhanga Tūao. Nāna anō i whakatū te Kōmihana ā Whānau. He hononga ki ēnei pae tukutuku katoa, ngā pepa rangahau.
-
Te Manatū Waka / Ministry of Transport
Ko te Manatū Waka te kai tohutohu i te kāwanatanga mō ngā kaupapa waka, koia hoki te kaiwhakahaere i te rāngai waka o ngā taonga o te Karauna, arā, te Mana Rererangi Tūmatanui o Aotearoa, te Kaiwhakamaru Rererangi, Te Mana Marutau Waka Whenua o Aotearoa, te Kaitiaki Haumaru Rori, Ararau Aotearoa me Arataki Aotearoa. He hononga ki ētahi atu pae tukutuku, ngā whakaputanga ā-rorohiko, whakaputanga pāpāho, tārua tōmua o te pānui a te manatū.
-
Minitatanga mō ngā Wāhine / Ministry of Women’s Affairs
Ko tā te manatū nei he kawe i ngā rangahau e pā ana ki te mana wahine ki Aotearoa, he whakarato whakamaherehere ki te kāwanatanga mō ngā aukatinga i te wahine. Kei konei ngā pūrongo rangahau, tatauranga, rārangi kōpaki mō ngā whakahaerenga wāhine ā-motu, pānui tuku me ngā hononga pae tukutuku.
-
newzealand.com: the official site for New Zealand travel & business
Kei konei ngā kōrero mō Aotearoa he wāhi pai mō te wae tāpoi. He kōrero anō mō ngā iwi o Aotearoa, te hītori, ahurea, hapori, taiao.
-
Ngā Kōrero Tuku Iho o Aotearoa / NZHistory.net.nz
Nā Te Manatū Taonga tēnei pae tukutuku. Kei konei he kōrero mō te hītori o Aotearoa, ngā kōrero hītori e pā ana ki ngā whanonga me ngā tikanga o te hapori, ngā hononga ki ētahi atu pae tukutuku.
-
Ngā Tāngata Taumata Rau / Dictionary of New Zealand Biography
Kei tēnei pae tukutuku ngā haurongo mō ngā tāngata rongonui o Aotearoa mai i te tau 1769 ki te tau 1960. Mā konei mārama ake ai te tangata ki te hītori o Aotearoa. Me tohu koe i te ‘Āta kimi’, me te ‘Mahi’ mēnā kei te hiahia koe ki te kimi i tētahi tangata i mahi i tētahi tūmomo mahi. Kei te wāhanga ‘Toitū te whenua toitū te tangata’ ngā whakaaturanga hītori e pā ana ki te iwi o Aotearoa.
-
Te Puni Kōkiri / Ministry of Māori Development
Ko Te Puni Kōkiri te kaitohutohu matua o te kāwanatanga ki ngā take Māori. Ko tāna, he whakawhanake i ngā hōtaka nui mā te Māori. Kei konei ngā whakamārama mō ngā mahi a Te Puni Kōkiri, ngā pārongo mō te noho a te Māori, ngā kaupapa, te whakahaere o tēnei tari, ngā nekeneke i te ao pakihi, hapori hoki. Kei konei hoki ngā rauemi, hononga pae tukutuku, ngā pānui.
-
Te Tari Mahi / Department of Labour
Ka taka ki raro i ngā whakahaerenga o te Tari Mahi ngā manene tauhōu, te rapu mahi, te whakawhanaunga ā-mahi, te ārai hauata mahi. Kei roto ko ngā whakamārama mō ā rātou ratonga, kaupapa, whakaputanga, pārongo hoki.
-
Te Tari Tatau / Statistics New Zealand
He tari kāwanatanga a te Tari Tatau. Ko tā rātou mahi he kohikohi i ngā tatauranga mō Aotearoa. Kei konei ngā tatauranga (ōhanga) mō ngā pūtea o te motu, ngā ahumahi me ngā ia hokohoko a ngā tāngata o Aotearoa.
-
Te Tiriti o Waitangi
He tuku mātauranga te kaupapa a tēnei pae tukutuku a te kāwanatanga. Kei konei ngā wāhanga o te tiriti, ngā wātaka, te hītori o te tiriti, taea rawa ki ngā tūhonohono pae tukutuku.
