Kei runga i te haki o Ngāti Kere tā rātou pepeha, arā ko Te Kupenga o Te Huki'. He maha nga whakapākūhā i whakapūmautia e Te Huki hei paihere i a Ngāti Kere rātou ko Ngāti Pāhauwera, ko Ngāti Konohi. I a Timi Kara ngā whakamārama mō te āhuatanga ki te kupenga rā.
'Ko Te Huki tētahi o ngā tipuna rongonui o Te Wairoa, i toro atu tōna mana rangatira atu i Pōrangahau huri noa i te takutai ki Whāngārā... Ka whakanōhia e ia tana mokopuna a Ngārangi-whakaūpoko ki Te Poroporo, e tūtata mai ana i Pōrangahau, hei tiri i te kupenga ki te tai tonga. Mai i tēnei tipuna ka puta ngā kāwai rangatira, arā ko Tipene Matua, ko Henare Te Atua, ko Ropiha, ko Te Kuru mā. Ko tērā o ana mokopuna i a Ngāwhakatatare ka tāmautia ki Whāngārā, hei tiri i te taha rāwhiti o tōna kupenga. Mai i tēnei tipuna ka puta ki waho ko te ariki tamaroa ko Te Kani-ā-takirau. Nō muri mai ka whakatauria ko tana tama ko Purua-aute ki waenganui hei poitō i tōna kupenga. Mai i a Purua-aute ka puta ngā rangatira nui o Te Wairoa me Heretaunga.'
Te whakamahi i tēnei tūemi
Private collection
This item has been provided for private study purposes (such as school projects, family and local history research) and any published reproduction (print or electronic) may infringe copyright law. It is the responsibility of the user of any material to obtain clearance from the copyright holder.
Source: Takitimu, by Tiaki Hikawera Mitira
Tāpiritia te tākupu hou