Ko Motuopuhi tēnei ki Rotoaira, kei te taha raki mā-uru o Tongariro maunga. Kei runga i taua motu ko te pā o Te Wharerangi, nāna i whakamaru te rangatira o Ngāti Toa a Te Rauparaha. Ka huna a Te Rauparaha ki roto i te rua kūmara o te pā, ā, ka nōhia e te wahine a Te Wharerangi e Te Rangikoaea hei ārai i a ia mai i ngā karakia o ngā tohunga e rapa ana i a ia. Nō taua wā ka haka a Te Rauparaha i te ngeri rongonui i a 'Ka mate'. I ngā wā o mua he kūrae kē a Motuopuhi, engari nō te whakapikinga ake o te wai i te mahi whai hiko i Tongariro, ka noho momotu taua wāhi.
Te whakamahi i tēnei tūemi
Flickr: Petra Paignton's photostream
Photograph by Petra Paignton
This item has been provided for private study purposes (such as school projects, family and local history research) and any published reproduction (print or electronic) may infringe copyright law. It is the responsibility of the user of any material to obtain clearance from the copyright holder.
Tāpiritia te tākupu hou