Ko te kōrero, he uri whakaheke a Ngā Rauru o ngā tāngata i haere mai i te waka Aotea, (ka kite koe i tēnei kōrero i te waharoa whakamaumaharatanga kei Pātea). Hāunga tērā, arā anō tētahi iwi tōmua, ko Te Kāhui Rere, i noho ki te tonga o Taranaki i mua i te taenga mai o Aotea. Nā te pūkenga o te rau tau 1800, nā John White tēnei kōrero i hopu, ka hoatu ki a S. Percy Smith:

Te ewe i tere

‘Ka rukea tētahi ewe ki te moana, ā, ka tangata; ko tōna ingoa ko Whānau-moana. He parirau ōna, tae atu ki ōna uri whakaheke. I te tīmatanga, kāore ō rātou kāinga, ka rere noa rātou ki wīwī ki wāwā, ki ngā tihi o ngā maunga, ki ngā moutere i te moana. Nā tētahi wahine, nā Tara-pu-whenua rātou i noho ai ki ētahi pā. Nō Wai-totara rātou, ka noho rātou i Tieke. Ko Te Kahui-rere te ingoa o te mea mutunga o rātou kia mau parirau. Nā tētahi wahine ōna parirau i pēhi i te wā e moe ana ia.‘

Takenga: S. Percy Smith, History and traditions of the Maoris of the west coast, North Island of New Zealand prior to 1840. New Plymouth: Polynesian Society, 1910, pp. 148–9.