He maha ngā mea ka tareka i te harakeke (Phormium tenax). Ko tētahi o ngā mea ka taea i te harakeke ko te kete. I rangaa ēnei kete i Hiruhārama i te awa o Whanganui i te tau 1921. He nui ngā mahinga o te kete – hei hāpai ō, hei kawe taonga kahurangi pēnei i te korowai tapu me te pounamu. He pai te kete mō te kohikohi mātaitai, i te mea ka whakatahea te wai ki waho. Tērā te kete whakairo, ingoatia peratia ai nā te mea mā te tohunga rā anō e raranga. He taha wairua kei te mahi raranga. Hei tā te Māori, he kauwaka te tohunga raranga mō ngā auahatanga a ngā atua.