Nā te toa o ngā Ō Pango i tā rātou haerenga ki Peretānia i te tau 1905 ka nui te tūranga o te whutupaoro i te aroaro o te iwi o Aotearoa; tatū ki te tekau tau atu i 1920, kei te muia te tākaro nei e te tini me te mano. Ko te tekau tau atu i 1950 te taumata o ngā tautoko mō te whutupaoro, neke atu i te e 50,000 tāngata ka tae ki te mātaki kemu. He tini mano tāngata ka noho ki ō rātou kāinga ka whakarongo ki ngā pāhotanga a Winston McCarthy i te reo irirangi. Mōhiotia whānuitia tana rerenga kōrero, 'Taihoa, taihoa ... kua owa!' He pānui tēnei i te puka maheni New Zealand Listener o te tau 1958. He pāhotanga tēnei o tētahi tākaro i waenganui i a Te Whanganui-a-Tara me Ōtākou mō te hīra o Ranfurly i te tau 1953. Ka toa ko Te Whanganui-a-Tara, e 9 ki te 3. I aua tau, kāore he taonga whutupaoro i runga ake i te hīra o Ranfurly.

He kōnae nō Radio New Zealand Sound Archives Ngā Taonga Kōrero. He takahi manatārua te whakamahi anō i te kōnae nei. Ki te tono mō te kōnae whakapā atu ki Sound Archives Ngā Taonga Kōrero. (Rugby – Ranfurly Shield held by Wellington against Otago, 1953/Reference number D7970A).