Whai muri i ngā pakanga i ngā tau 1860 ka raupatutia ngā whenua haumako o Taranaki. E hia tau e whai utu ana a Taranaki kia ea ngā mahi hē. I tēnei hui i te tau 1935 ki Te Awa-kairangi ko: Minita Pāremata a Taite Te Tomo (taha mauī), Pirimia George Forbes, te heamana o te Pōari Tangata Taketake o Taranaki ā Rima Wakarua, Minita Take Pūtea ā Gordon Coates, ko te mēa (mayor) o Te Awa Kairangi, a J.W. Andrews me tētahi kaumātua kāore i te mōhiotia. I te hui nei i kī a Coates, ‘I mua, i kī rātou ko te wawata…kia Pākehā mai te Māori, engari…ināianei ko tā rātou wawata kia mau tonu te Māori ki tōna ao’ (Evening Post, 3 Mahuru 1935, wh.10). I whakaae te kāwanatanga Reipa i pōtingia hei kāwanatanga i ngā marama whakamutunga o taua tau ki tētahi whakataunga mō Taranaki, i te tau 1944.