Ko te pūaha tēnei o te moana o Hokianga ki te Tai Tokerau. Ko te roanga ake o tōna ingoa ko Hokianga Whakapau Karakia. Ko ngā waka e rua i heke mai ki Aotearoa tae mai ki Hokianga ko Ngātokimatawhaorua tērā ko Nukutawhiti te tangata, ā, ko Māmari tērā ko Ruanui te tangata. Ko Nukutawhiti i tae tuatahi, heoi ka whanga ki a Ruanui hei taki i ngā karakia i te wā kotahi. Heoi nō te taenga o Ruanui ka whakahau i tana tohunga kia tākina ngā karakia kīhai i tatari mō Nukutawhiti. Ka whakamātau te tohunga rā kia whakapae i te tohorā ki uta, engari nā te whakatakariri ka tono a Nukutawhiti i tana tohunga kia whakahokia te tohorā ki waho i te whanga. Nāwai ka pau ngā karakia a te tohunga o Ruanui, ā, ka panaia rātou i Hokianga. Nā reira ka whakaingoatia taua wāhi ko Hokianga Whakapau Karakia.
Te whakamahi i tēnei tūemi
Flickr: pixmad's photostream
Photograph by Dy Swindlehurst
This item has been provided for private study purposes (such as school projects, family and local history research) and any published reproduction (print or electronic) may infringe copyright law. It is the responsibility of the user of any material to obtain clearance from the copyright holder.
Tāpiritia te tākupu hou