Kei runga i te ūpoko o Pōahu (taha mauī) ko ngā parirau e rua o te kārearea. Nā George French Angas tēnei pikitia i tā i te tau 1847. E mau ana a ‘E Koti’ i ngā kura kārearea, he mea whakarākei anō ki te kōkōwai me te hinu o te ate mangō. I ahu mai ngā tāne e rua nei i Tūranganui, ā, i tae rātou ki roto o Mōkau ki Te Rohe Pōtae o Maniapoto. E mau korowai ana rātou, ā, he hukahuka pango kei runga i te korowai. Kei runga ake te korowai a Poahu i tana hāte kahurangi. E toropaepae ana ētahi whakairoiro i runga i tana korowai, ā, he mētara nō te mīhana Jesuit kei tōna taringa. Kei te taha matau ko ngā tamariki a te rangatira o Kāwhia a Te Pakaru. E mau ana ngā kōtiro e rua i te kaitaka tāniko.