He tānga tēnei nā George French Angas i tā i te tau 1847 pea. E whakaatu ana i ētahi momo kākahu ka mauria e te rangatira Māori. E mau ana a Te Mutu (te rangatira o te hapū o Ngāpuhi a Te Ihutai) i te korowai muka harakeke e kīia ana he waihīnau (nā te rumaki i te kahu ki roto i te wai hīnau). Kei tēnei korowai ngā whenu pango, ngā aho, ngā ngorengore whero me ngā awaawa wūru whero. E mau ana hoki ia i tāna mere pounamu. E mau ana tana tamaiti pakeke i tētahi kaitaka mā, ā, ko tōna teina ko Te Kurī tērā e mau ana i te tōpuni. He pango hoki tēnei kākahu nā te rumaki anō ki te wai o te kiri hīnau me te paru. E ai ki a Angas hei tino kaupare tēnei momo kākahu i te ua, ka rere kau atu te wai pērā i tētahi tuanui whare.