Ko te waka huia he ipu pupuri taonga, ka mutu ko te hōtaka o Waka Huia te kaipupuri i ngā kōrero a te hunga kaumātua o ngā iwi Māori. I tū ngā uiui tuatahi ki Waitangi i te tau 1987. Ko te kaingārahu me te kaiārahi ko Hēmi Hēnare (ka whakaaturia i te mutunga o tēnei kiriata) te kaumātua tuatahi i whakaae kia uiuitia. Whai muri mai i a ia ko Mira Szaszy, te perehitini o te Rōpū Wāhine Māori Toko i te Ora. Ko te whakahau a Te Reo Tātaki ki a Leonard rāua ko Ngata, me rapu e rāua ētahi ratonga mai i waho hei huruhuru mō te kaupapa. I haramai ngā pūtea i te Tari Māori, te tari mātauranga i mua noa atu i te whakaratonga atu o Te Reo Tātaki.
I roto i tēnei kiriata ka tīmata a Hēmana Waaka i runga i te tauparapara kātahi ka tuku i tana mihi ki te hunga mate, ka rua ki te hunga ora. Kātahi ia ka kī, ‘Ko te kaupapa o tēnei taonga tuku iho ki te iwi Māori, he hopu haere i ngā kōrero a ngā mōrehu kaumātua e ora tonu ana i ēnei rā.’
Te whakamahi i tēnei tūemi
This item has been provided for private study purposes (such as school projects, family and local history research) and any published reproduction (print or electronic) may infringe copyright law. It is the responsibility of the user of any material to obtain clearance from the copyright holder.
Tāpiritia te tākupu hou