I te tau 2006 ka tū tārake a Whakaata Māori. Koia te hōngere motuhake i whakaatu i te rā whakamaumahara o ANZAC i te katoa o te rā o ANZAC. He motuhenga, he hōtaka whai pānga ki a ANZAC ētahi o ngā whakaaturanga. E 215,000 te hunga i mātaki i a Whakaata Māori i taua rā, ka mutu, neke atu i 552 ōrau te nui ake i ngā kaimātaki i ētahi atu rā. Ko te kaipānui pārongo kōrero o mua o Te Reo Tātaki, ko Judy Bailey rāua ko te kairīpoata o Whakaata Māori, ko Wena Harawira ngā kaiwhakataki. Anei rāua kei te hui mō te hunga pāpāho. I whakanuia rāua mō ā rāua mahi taiea i runga i te whakaaturanga o ANZAC. I te huringa tekau tau o Whakaata Māori i te tau 2014 ka kī te ringa tohu a Larry Parr, ‘I waea mai ētahi ki te kohete i ahau nā te mea i te mau tonu rātou i ngā kākahu moe i te 2 karaka i te ahiahi.’