-
Koinei te pae tukutuku a DANZ, te rōpū mō ngā
kanikani ngaio i Aotearoa. Kitea ai ki konei ngā
pānui a New Zealand Dance Directory.
-
Koinei te pae tukutuku o FINZ, te māngai o te
ahumahi hoahoa. Ka taea tana putanga i konei.
-
Ka nui ngā pārongo ki konei mō Irirangi Te Motu,
āna hono ki ngā pae tukutuku o ngā reo irirangi me
ngā pouaka whakaata.
-
He kaitiaki tū motuhake a Arts Foundation of New
Zealand, ko tāna he whakatairanga i ngā
tohungatanga i ngā mahi toi mā te whakawhiwhi tohu
ki ngā tohungatā taiea. Ka tareka ngā whakamārama
mō ngā mahi a tenei rōpū, tae atu ki ētahi kōrero
mō te hunga kua whiwhia ki te tohu Icon, me te tohu
Laureate.
-
Kei tēnei kohinga ētahi mahi toi a ngā tohunga
nui o Aotearoa me Ahitereiria. Kei konei hoki he
whakamārama mō ngā tohunga me ā rātou mahi, tae atu
ki ētahi whakaahua.
-
Nā te kāwanatanga tēnei kaitiaki i whakatū hei
hāpai i ngā pūoru o Aotearoa. Kei konei ngā
whakamārama mō ngā mahi a te Kōmihana, pārongo mō
ngā kaiwhakatangitangi o ēnei rā, ngā pēne, ngā
taiopenga, ngā kamupene hopu pūoru hoki.
-
He pae tukutuku tēnei ka whakatairanga i a
Aotearoa hei wāhi pai mō ngā tūruhi. Kei konei he
kōrero poto mō Aotearoa, āna tāngata, te hītori, te
ahurea, te hapori, te taiao; tāpiri atu ki ētahi
meka waiwai e pa ana ki tēnei whenua.
-
I whakatūria Ngā Kaitiaki o Ngā Whitiāhua hei
tiaki, hei whakawātea i ngā pūranga pouaka
whakaata, kiriata o Aotearoa. I tua atu i ngā
kōrero mō te pūranga, he pātengi raraunga o ngā mea
kei te kohinga. He wā anō ka whakatairangatia
tētahi kōrero, ataata rānei mai ngā kiriata o
Aotearoa.
-
Ko ngā haurongo mō ngā tāngata nui o Aotearoa
mai i te tau 1769 ki te tau 1960. Mō ngā tāngata e
mahi ana i tētahi mahi, pēhia te “Rapungia Ngā
Whiringa”, ka tohu ki tā rātou mahi. Kei te wāhanga
‘Toitū te whenua, toitū te tangata’ ētahi kōrero mō
te tuakiri me te ahurea o Aotearoa.
-
Nā te kaitiaki nā A treasury of New Zealand
Craft Resources Trust tēnei pae tukutuku. Ko tāna,
he tiaki, he whakatairanga i ngā pānga o ngā
tohunga ringa rehe o Aotearoa. Taea ai ngā pārongo,
putanga, kōrero mō ngā ringa rehe, taiwhanga
whakaatu, hono ki pae tukutuku kē.
-
Nā Te Papa Tongarewa te pae tukutuku nei. Ka
taea ngā pae tukutuku o ngā taiwhanga whakaaturanga
kei te hono, kāore rānei i te hono ki ngā whare
taonga.
-
Nā te mahinga tahitanga a te tari Ingarihi
(English Department) me te whare pukapuka o te
whare wānanga o Tāmaki-makau-rau ka puea ake tēnei
pae tukutuku. He pārongo āna mō ētahi whiti o
Aotearoa me Te Moananui-a-Kiwa, te katoa o ētahi
whiti, konae oro, ataata hoki, hononga ki pae
tukutuku whiti kē.
-
He rōpū tēnei kei te whakatairanga i te tango
whakaahua (photography) hei whakawhitiwhitinga, hei
whakaputanga whakaaro i roto i ngā e 30 tau kua
pahure. Kei konei ngā whakamārama mō Photoforum me
āna putanga; he tuhinga nūpepa; ngā whakaaturanga
pae tukutuku, taiwhanga hoki.
-
Koinei anake te ratonga āwhina ki ngā kaituhi
pūrākau mō ngā kiriata, reo irirangi, whakaari, arā
atu. Ka pānuitia ngā whakaaro kei te whakaaturia i
tēnei wā tae atu ki tētahi pātengi raraunga o ngā
tuhituhinga o ngā whakaari.
-
He kaitiaki a SOUNZ, e whakatairanga ana i ngā
pūoru o Aotearoa. Āwhinatia ā-pūteatia ia e Toi
Whakaari hei whakatairanga i ngā pūoru o Aotearoa.
He pātengi raraunga o ngā mahi a ngā kaitito pūoru
o Aotearoa, ngā pārongo mō ngā huihui, kei hea ngā
rauemi, tētahi toa ipurangi.
-
Kei te rahi haere tēnei pūranga tuhinga,
whakaahua XML. Ka whai wāhi ētahi tuhinga, ētahi
tuhinga arohea, ētahi putanga hoki o te maheni
tuhituhi, a Sport.
-
Koinei te pae tukutuku o tētahi rōpū e hāngai
ana ki tētahi tūmahi rorohiko. Kei konei ētahi
tuhinga, ētahi whakaaturanga e pā ana ki ngā
hoahoa, ngā tohunga ki ēnei mahi, ngā hononga ki
pae tukutuku kē.
-
Koinei te rōpū o te rōpū hoahoanga ngaio o
Aotearoa. Ka kitea i konei ngā pārongo mō ngā tohu
ka whiwhia, te whanaketanga o te ahumahi hoahoanga,
ngā paerewa, ngā rauemi.
-
Kei te Taiwhanga Toi o Tāmaki-makau-rau
(Auckland Art Gallery) e mau ana te rahi o ngā mahi
toi o Aotearoa me tāwāhi. Kei konei hoki ngā wātaka
mō ngā whakaaturanga kei te taiwhanga, tae atu ki
tētahi pātengi raraunga o ngā mahi.
-
He rōpū motuhake, whaiutu-kore te Kaunihera
Pukapuka o Aotearoa (Book Council of New Zealand),
e arotahi ana ki te whakatairanga i te pānui
pukapuka. Kei konei ngā whakamārama mō ngā kaituhi
pukapuka me ā rātou mahi, ngā huihui pukapuka, ngā
rōpū, ngā arotakenga pukapuka, ētahi tuhinga, ngā
hononga pae tukutuku.
-
Ko Te Papa Tongarewa te whare taonga o te motu;
kei reira puritia ai ngā tino mauhanga o Aotearoa -
ngā whakaahua, ngā whakairo o Te Moananui-a-Kiwa,
ngā taonga a te Māori. Kei konei ngā whakamārama mō
ngā taonga, ētahi whakaahua hoki, tae atu ki ngā
pānui mō ngā whakaaturanga a Te Papa e tū ana i
tēnei wā, ka tū rānei ā te wā.
-
Koinei te māngai mō ētahi rōpū ako pūoro puta i
Aotearoa. Ka whakamāramatia ngā mahi a te rōpū, ngā
hono ki ngā pae tukutuku pūoro ōkawa ki Aotearoa,
ki tāwāhi hoki.
-
Kei konei ētahi kōrero mō te kura kanikani o
Aotearoa (New Zealand School of Dance) rāua ko Toi
Whakaari (New Zealand Drama School), ngā kōrero mō
ngā tāura kua puta, ngā whakaaturanga; he hononga
ki ētahi atu pae tukutuku kanikani, toi
whakaari.
-
Te rārangi putanga o te maheni toi, Art New
Zealand.
-
Ko ngā kaupapa here me ngā ratonga ā-pūtea a Toi
Whakaari. He kōrero mō ngā tohunga toi, ā rātou
mahi, ngā hononga pae tukutuku.
-
He kaitiaki utu kore tēnei ka tautoko i ngā toi
Māori e mahi ana i te maha o ngā kaupapa. He kōrero
kei konei mō ētahi tohunga toi me ā rātou
tūmahi.
-
He pokapū kāwanatanga te Tumu Whakaata Taonga,
ko tāna, he āwhina ā-pūtea, he whakatairanga i ngā
kiriata o Aotearoa. Kei konei ngā pārongo mō te
ahumahi kiriata o Aotearoa, ētahi kiriata me ētahi
kaihanga kiriata o Aotearoa, tētahi rārangi o ngā
kiriata me ngā kaihanga kiriata.
-
He pae tukutuku tēnei mō te hui nui
whakaharahara o Aotearoa mō te hoahoa kākahu. Kei
konei ētahi whakaaturanga o ngā mahi hōu a ngā
kaihoahoa.
-
Ia tau ka tū tēnei taiopenga a Montana. I te tau
2005 ka tū te taiopenga ki Te Whanganui-a-Tara.
Taea ai ki konei ngā whakamārama mō te ariā o te
‘toi whakakuhuna’, ngā whakaahua me ngā ataata mai
i ngā pō whakawhiwhi tohu kua taha.
-
Montana World of Wearable Arts is an annual
event, held in Wellington from 2005. This site
gives background information about the wearable
arts concept and includes stills and video footage
from previous award events.
The Dictionary of New Zealand Biography