I te tau 1893 i te wā o te kāwanatanga Rīpera, ka whakawhiwhia te wahine ki te pōti. Ko Aotearoa te whenua tuatahi o te ao kia whakawhiwhi i te wahine ki te pōti. He hoa ō ngā wāhine i roto i te whare paremata, heoi, he nui tonu ngā mema paremata ka whakahē i a rātou me tā rātou kaupapa, tae rawa ki a Te Hētana (Richard John Seddon). Nō te tau 1891 tāngia ai te pakiwaituhi nei. I taua wā, i whakaaro te hunga wāhine kua eke rātou i te taumata o te whare paremata. Taro iho, ka riro i te wahine te pōti i te tau 1893. Heoi kia hipa te e 40 tau, kātahi anō ka uru he wahine hei mema ki te whare paremata.