Te Au-o-Tonga me Te Aurere i Te Tai Rāwhiti, 2000

Te Au-o-Tonga me Te Aurere i Te Tai Rāwhiti, 2000

Nā ngā haere angitū a Hōkūle‘a ka ora anō ngā tikanga whakatere waka o Te Moananui-a-Kiwa. Ka hahaungia ētahi atu waka. I tāraia a Te Aurere (taha matau i te taha o Te Au-o-Tonga), e Hekenukumai Busby i te tau 1991. Nō te tau o muri mai ka ruku a Te Aurere ki roto i ngā āwhā me ngā moana whakapukepuke i tana haerenga atu i Aotearoa ki Rarotonga. Ehara i te mea he tohu tēnei haerenga ki te mea i hokihoki ai ngā tāngata tōmua o Aotearoa ki Poronihia ki te rāwhiti, heoi i whakaatu noa tēnei haerenga i te mea, ka taea tērā haere i runga i ngā mātauranga i a rātou i aua wā. Whakarongo ki a Pakake Winiata, tētahi o ngā kauhoe i runga i a Te Aurere, e whakamārama ana i te take i tōia ai te waka i ētahi wāhanga o te haerenga atu i Aotearoa ki Rarotonga.

He Kōnae nā ">Radio New Zealand Sound Archives Ngā Taong Kōrero. He takahi manatārua te whakamahi anō i te kōnae nei. Ki te tono mō te kōnae whakapā atu ki Sound Archives Ngā Taonga Kōrero. (Waka Te Aurere; Pakake Winiata/Reference number C930209G).