Ko Gilbert Mair rātou ko Te Ope Rererangi o Te Arawa

Ko Gilbert Mair rātou ko Te Ope Rererangi o Te Arawa

I te tekau tau atu i 1860 ka haumi atu a Te Arawa hei ringa kaha mō te Karauna ki ōna riri ki ngā iwi o Waikato, o Te Tai Rāwhiti tae atu ki te whaiwhai haere i a Te Kooti. Nō roto mai i ngā pakanga whakamutunga ki a Te Kooti atu i te tau 1870 ki te tau 1872, ka whakangūngua, ka ārahina ngā hōia a Te Arawa e 100 te tokomaha e Kāpene Gilbert Mair. Ko tā rātou kārangaranga ingoa ko Te Ope Rererangi o Te Arawa. Nā rātou a Te Urewera i whakaeke i tā rātou whainga i a Te Kooti. E 5,000 pauna te nui o te utu mō tōna hopunga.