Kōrero: Te Arawa
E 120 te roa o ngā tau puritia ai te whakairo o Pūkākī ki te Whare Pupuri Taonga o Tāmaki. I te nuinga o te wā tū ai ia ki reira ka puritia ki te wāhanga Kōti Māori o te whare. I te kawenga o te whakaaturanga Te Māori ki Amerika (1984-1987) ka tū a Pūkākī hei tauira mō te toi whakairo a te Māori. Nō te tau 1997 ka whakatauhia e te whare taonga me whakahokia a Pūkākī ki a Ngāti Whakaue. Kātahi a Pūkākī ka whakatūhia ki roto i te tari whare kaunihera o Rotorua – ki reira tū ana ia i te taha o ngā matapihi e anga atu ana ki tana kāinga tawhito ki te pā o Te Pukeroa. Ara noa atu ngā take i whakahokia ai a Pūkākī – arā ko te kaingākau kia whakahokia mai ngā mano taonga kei ngā whare taonga o te ao whānui ki o rātou nā tūrangawaewae. Ko te tokomaha o ngā taonga nei i whānakotia.
Mō tēnei mea
Private collection
Photograph by Hamish Macdonald
This item has been provided for private study purposes (such as school projects, family and local history research) and any published reproduction (print or electronic) may infringe copyright law. It is the responsibility of the user of any material to obtain clearance from the copyright holder.