Ka maumahara a Anne Delamere: ‘Nineteen forty-two ka haere mai au ki Pōneke ka whakauru ki te puni wāhine o te wāhanga rererangi i Rongotai [Women’s Auxiliary Air Force (WAAF)]. Nō muri mai, ka uru au ki ngā mahi patu wāea. Ka haria, kia tohutohungia mātou i te Poutāpeta ki ērā mahi – Telecommunications Branch. I tae au ki te tūranga haihana (sergeant); ā i reira tonu au i te tau tahi mano, iwa rau, rima-tekau. Kua mutu kē te whawhai. Heoi anō, he mahi tōtika, he pai, ka noho tonu au.’