Aoraki (Mt Cook) ki Ngā Puke-māeroero

Aoraki (Mt Cook) ki Ngā Puke-māeroero

Ko Aoraki te maunga teitei rawa o Ngā Puke-māeroero, te pae maunga kei te pokapū o Te Wai Pounamu. I ngā wā o mua i pōhēhētia ko te aronga o te ingoa o Aoraki, ‘ko te maunga e titi ana ki ngā rangi’. Heoi, e ai ki a Ngāi Tahu, he tangata kē a Aoraki. Tērā te wā e hoe ana a Aoraki me ana teina, tuākana i Te Moananui-a-Kiwa; ka taupoki te waka. I te tahuritanga o te waka, ka piki a Aoraki ki tōna takere. Tērā tētahi ingoa tawhito mō Te Wai Pounamu, ko te Waka o Aoraki.