Ngā mautohe ki Pākaitore (Ngā Māra o Moutoa) (1st of 6)

Ngā mautohe ki Pākaitore (Ngā Māra o Moutoa) (1st of 6)

Nō te rau tau atu i 1800 ka tīmata ngā iwi o Whanganui ki te whakamahi i te ture hei tiaki i ā rātou tika ki te awa. Ka tae ki te rau tau atu i 1900, kei te haere tonu ngā mahi nei. I te tau 1995 ka whānui atu te kerēme mō te awa ki ngā whenua, tae rawa atu ki Pākaitore (Ngā Māra o Moutoa). Ka whakapae ngā iwi he pā tawhito i tū ki konei, whakahaerehia ai ngā mahi tauhokohoko a te iwi ki konei; i tua atu, i whakapae rātou i āta wehea a Pākaitore i te hoko o Wanganui. Kāore te kaunihera o te tāone o Wanganui i whakaae ki ēnei whakapae. Heoi, nō te 28 o Pēpuere 1995 ka nōhia a Pākaitore e ngā iwi o Whanganui. I tēnei whakaahua, e kōrero ana a Niko Tangaroa, tētahi o ngā kaiārahi o te iwi, rāua ko Chas Poynter, te mea o Wanganui.