Kōrero: Ngā heke i te Wai Nui
He tangata hōpara, he ringarapa mātai whaipara tangata (amateur archaeologist) a Thor Heyerdahl, nō Nōwei. I whakapono ia i haere mai te tangata ki Te Moana-nui-a-Kiwa mai i Peru i Amerika ki te Tonga, ā, nā rātou te kūmara i mau ki tēnei moana. Hei tautoko i āna ariā, i te tau 1947 ka waihangatia e ia tētahi waka e kīia ai he waka tūturu o Amerika ki te Tonga, i mahia i te momo papa balsa. Ka wehe ia i Peru. E toru marama e kawea ana te waka e te au moana, e ngā hau tonga-mā-rāwhiti, katahi anō ka tau ki ngā moutere o Tuamotu. E kī ana ngā tohunga, kāore he take o tēnei haerenga whakateuru; ko tāna noa i tohu, ki te tōia tētahi waka kia puta e 100 km ki waho o Peru, ka kawea whakateuru e ngā au moana kia tae ki Poronihia.
Mō tēnei mea
Alexander Turnbull Library
Reference: EP/1990/3250/18
Photograph by John Nicholson
Permission of the Alexander Turnbull Library, National Library of New Zealand, Te Puna Matauranga o Aotearoa, must be obtained before any re-use of this image.
